1.226 Oreng Ngireng UNBK Paket C, Bupati Soengenep: Ka’dintoh Kasadaran Pentingnga Pendidikan
SUMENEP, FaktualNews.co – Sabannya’nah 54 lembaga pendidikan se tersebar e kacamatan tengghengan tor polo, Soengennep, Madure, Jabba Temur, alaksanaaki Ujian Nasional Berbasis Komputer (UNBK) Kelompok Belajar (Kejar) Paket.
Ujian ka’dintoh e lakasanaaki seabiddeh empa’ are, ekabidin are Jumat mala kantos Senin (12-15 April 2019). Dining se ngireng UNBK panika langkong 1.226 oreng bannya’ epon.
“Peserta langkong 1.226 oreng se tersebar e 54 lembaga PKBM, alhamdulillah 100 persen ampon berbasis komputer sadejeh akadiyeh se ampon kaoladen ka’dintoh, tor ampon sami sareng pendidikan se formal,” dhabuna, Plt Kopala Dinas Pendidikan Soengennep, Muhammad Saidi.
Saidi ajerbeaki, e dalam pelaksanaan UNBK ka’dintoh alhamdulillah ta’ manggi alangan tor rintangan sampe’ are se pongkasan mangken. Sananjjen bede alangan secara tehnis ampon esiapakin cara kaanggui ngatase.
“Alhamdulillah kalampa kalaban lancar tor sae, akadiyeh e polo manabi bede ngaghungi masalah jaringan internet, bisa ajhalani ujian offline,” dhabuna.
Bupati Soengenep A. Busyro Karim adhabu, Samangat-epon peserta UNBK se ampon kaoladen ka’dintoh aropaaki kasadaran maghersare dha’ penting epon pendidikan.
“Ka’dintoh aropaaki kasadaran maghersare jek saongguna pendidikan nika sangat penting, sanajjen ampon seppo tetep somangat ngireng ujian, Ngereng areng sareng kaangguy ningkataghi pangaoningan badan kauleh sareng panjennengan sadhajah,” dabuna.
Minurot rakana Nyi Nurfitriana ka’dintoh, Saamponna ngoladi pelaksanaan UNBK panika, Bupati asyokkor asabeb Ujian se ampon ejeleni kabilang sae.
“Akadi se ampon kaoladen, ka’dintoh sanget sae, molae dari tingkat kahadiran, perlengkapan ujian, tor sadhajana peserta ampon alongku sepa’ eade’na komputer beng sebeng,” debuna Keyae Busyro.
Bupati nambai pamator, Ningkataki pangaoningan otabeh ningkataki ajhina aba’ sanget penting e dalam kaodian, asabab saomponna apolkompol maghersare ngabutoaki pangaoningan se langkong sae.
“Kaangguy bisa sukses tak kenging abhanda oreng seppo, nanging kalaban pangaoningan aba’, tamaso’ bila epon nyare lakoh pastena ngabutoaki ijazah,” dhabuna keyae se pernah deddi Ketua DPRD panika.
Sopaje ekaoningih, Program Kelompok Belajar (Kejar) Paket ka’dintoh badah tello’ macem, Se kapeng sittung Paket A sapadhânah Sekolah Dasar (SD), Se kapeng dua’ Paket B sapadhânah Sekolah Menengah Pertama (SMP), tor se kapeng tello’ enggi ka’dintoh Pake C sapadhânah Sekolah Menengah Atas (SMA).
Program Kejar Paket ka’dintoh ampon e kennal sareng maghersare kalaban program Pendidikan Luar Sekolah (PLS) se guna-epon sami akadiyah sakolaan formal. (*)
Artikel di atas telah tayang dalam bahasa Indonesia dengan judul : Sebanyak 1.226 Peserta UNBK Paket C, Bupati Sumenep: Ini Bentuk Kesadaran Pentingnya Pendidikan https://faktualnews.co/2019/04/15/sebanyak-1-226-peserta-unbk-paket-c-bupati-sumenep-ini-bentuk-kesadaran-pentingnya-pendidikan/134938/
